MAP është projekt i cili nxit menaxhimin e përgjegjshëm dhe transparent të pyjeve në Rumani. Projekti inkurajon rumunët drejt raportimit të prerjes së pyjeve, si dhe të bëjnë publik çdo rast të papërgjegjshmërisë apo korrupsionit në menaxhimin e njërit prej burimeve kombëtare më të mira natyrore të vendit – drurit.

Projekti MAP është ngritur si shërbim publik komunitar i cili ofrohet falas për publikun e gjerë, mediat, autoritetet dhe inxhinierët e pylltarisë. Faqja është në dispozicion në adresën http://harta.plantamfaptebune.ro/Public dhe ofron një pasqyrë të përgjithshme të prerjeve pyjore në Rumani, në çdo kohë. Ndonëse MAP-i nuk jep pasqyrën e hollësishme mbi çështjen në fjalë në nivel kombëtar, duhet marrë parasysh se vazhdimësia e saj bazohet në atë se përmbajtja e sak plotësohet nga njerëzit që veprojnë si qytetarë të përgjegjshëm.

Në aspekt afatgjatë, qëllimi i projektit është që të përcaktojë autoritetet ligjore të cilat zyrtarisht duhet të përdorin teknologjinë digjitale (p.sh. GIS Sistemet e Informacionit Gjeografik) dhe në këtë mënyrë bën rritjen e efikasitetit. Rezultati potencial do të jetë ai se autoritetet, pronarët e pyjeve dhe publiku i përgjithshëm do të dinë saktësisht mbulueshmërinë, qëndrueshmërinë dhe përbërjen e pyjeve. Përveç kësaj, çfarëdo aktiviteti për trajtimin e pyjeve do të përpilohet duke u bazuar në morinë e detajeve që janë në dispozicion.